HTML-код
- Опубликовано: 28 мар 2025
- 我釣魚的路（？）汕尾揾到目標魚
30/12/2024風晴砌出汕尾沉船揾白立，一到位放絲到地就大大力一下（特）！我下意識到係大嘢，一領緊魚絲佢就重落去，大手一抽中，連翻手六七下頂佢離底，可惜沉船離底好高都有嘢掛，斷！氣都頂埋！馬上返寨又落，到底又一口索落去，大手一抽又中，有力！艇頭釣友同時又中！哈哈哈！咁嘅咬口發逹啦！就咗幾下好快就到，我兩斤幾牙㸃艇頭斤大幾黄腳，好！再返寨艇頭又起沙立仔，跟住就中到目標魚~白立！我亦唔執輸整返條兩斤零白立，再返寨我再上條斤零黄腳而艇頭又上條沙立仔，滿心歡喜但係之後就冇囗！守咗個零鐘都係冇艇家叫轉位！
去到第二隻沉船以有幾隻艇釣緊，放繩！冇口！釣到第三寨我前面老嘢郁手，我拎起相機幫佢拍視頻，拍拍下我又食餌，一手抽又中，交相機俾釣友拍我拿臨隊魚，可惜搭到艇家線甩咗，老嘢就上到條牙㸃，馬上返寨落繩釣友就發市以為係大白立，上到嚟原來係鰲仔，跟住艇頭又中條差唔多大嘅鰲仔，幾寨之後我又上條大D嘅鰲仔，一路釣一路望住沉船邊兩隻艇都有白立食餌，奇怪！一般白立都係食沉船頂好少食船邊架喎！抵受唔住誘惑車出去泊住佢地釣，見佢地起到幾條白立但係我地冇食餌，艇家亦放低企頭絲大蝦改用波子壓底針對立，佢一放就有食餌可惜抽唔到，而我地全船只佢有咬囗，食咗佢七八下只抽到一條，把握力差啊！守咗個幾鐘都係咁情况只艇家有咬但係抽唔到！我俾佢攔住先食佢而我一下都分唔到只食一下黑沙上埋！流慢咗咬囗亦開始疏就轉返去沉船頂釣，一返去釣友連起兩條大白立，我又上兩條白立，連唔發市位釣友由用天秤釣組改返用波子壓底嘅釣友都上條黑沙仔，一條牙㸃仔！之後冇囗走返去第一隻沉船，都係冇咬！走人
想問波子壓底，勾幾多號😊😊😊
ⅤMC9號
船佬电话有无呢？
有人包船请我去无电话